Jon Aritz Bengoetxea

Kataloniako Hauteskundeak-Elecciones Catalanas

Noviembre 2nd, 2006

Emaitzak gaur argiak eta aztertzekoak dira. Ia ez da ezer mugitu Kataluniako egoera politikan eta horrek ere zer esana izango du. agian bi gauza dira aipagarrienak, batetik Ciutadans Plataforma Parlamentuan sartu dela, bestetik abstentzio portzentaia nahiko handia izan dela.

	2006			2003
HORA : 01:15	Escaños	Nº Votos	%Votos	Escaños	Nº Votos	%Votos
CiU	48	928.511	31.52%	46	1.024.425	30.94%
PSC-CpC	37	789.767	26.81%	42	1.031.454	31.16%
ERC	21	414.067	14.06%	23	544.324	16.44%
PP	14	313.479	10.64%	15	393.499	11.89%
ICV-EUiA	12	281.474	9.56%	9	241.163	7.28%
C’s	3	89.567	3.04%	-	-	-

(Fuente elcorreodigital)

Bestelako emaitzak, alderdien emaitzak ez dira ez txarrak ez onak izan, aurreko egoeraren kalkoa izan daiteke eta horrek ateak zabalik uzten dizkio pakto eta koalizioei. ERC ia ia mantendu da eta Montilla jaunak bere alderdiari 200.000 milla boto kendu dizkio nahiz eta diputatuetan gehiegi ez nabari eta CiU ez da hainbeste igo. Hoberen atera dena ICV, baina zer aginduko dute Madriletik?

PSOEk normalean autonomietan dituzten Federazioak, Madrilgo Delegazioak bezala erabiltzen ditu. Maragall bere kabuz hasi zenean, azkar mugitu zituzten fitxak Rodriguez, Espainiako lehendakariaren konfidantzazko pertsona ipinita. CiUk ere zenbait aldaketa eskatu zituen, edo beraz hori komentatu zidaten orain direla hilabete batzuk:

-Lehena: Galiziako Francisco Vazquez. Vaticanora.
-Bigarrena: Bono. Kanpoan dago.
- Hirugarrena: Ibarra. Ez du jarraituko.

-Laugarrena: Maragall.

Rodriguezek (zergatik Zapatero?) akordioa bete du, beraz posibilitaterik handiena CiU-PSOE koalizioa litzateke Estatutu deskafeinatu hau kudeatzeko. Ikusiko dugu. Ia PPren eskuman agertu den Ciutadans hauek zeren alde dauden, bere kanpainak guztiaren alde daudela agertu dute abertzaleen aurka izan ezik, baina hau politikan ezinezkoa da. Programa bat behar da.
Bestalde partehartze baxua ere nabarmena izan da. Goiz honetan denetarik entzun dut irratian, hau normala dela (EEUU eta Erresuma batuan txikiagoak direlako) eta abstentzioa aukera politikoa ere badela, edota hau demokraziarentzat txarra dela.

Nik nere iritzi pertsonala dut. Mundu honetan guztia da politika, zergen igotze edo mantentzea, errepide baten eraikuntza, ikastetxe baten programa, parke natural baten defentsa,… Beraz guztia bada politika, zergatik ez du jendeak parte hartzen? Bakarrik gure poltsikoa zuzenean ukitzen dutenean mugitzen gara? Guk aukeratutako edo ez aukeratutako politikoetaz ari gara zertaz ari gara? nork aukeratu ditu Marbellako alkate eta zinegotziak? beraz ez badugu parte hartzen zelan aldatuko ditugu egoerak?

Niretzat kexkagarria da, gizarteak gero eta gehiago eskatzen digu politikoei baina gero ez dugu bozkatzen? eta ez naiz hemen alderdietan parte hartzearen arazoaz ari.

Nire ustetan pertsonek eskubideak ditugu, eta zeintzu dira gure betebeharrak? Baina badakigu partehartzea zer den? soilik bozkatzea? Hausnarketa ere hortik egin behar.

Categorías: Politika Orokorra-Politica General |